Russian Foreign Ministry confirmed that Russian ambassador to Turkey was shot and “seriously wounded” after a gunman stormed into a building where the official was attending a Russian photo exhibition.
«Անկարայում հրապարակային միջոցառման ժամանակ անհայտ անձը կրակ է բացել։ Արդյունքում հրազենային վնասվածք է ստացել Թուրքիայում ՌԴ դեսպանը»,- լրագրողներին ասել է ՌԴ ԱԳՆ պաշտոնական ներկայացուցիչ Մարիա Զախարովան։
ՌԴ ԱԳՆ-ի վերջին տեղեկությունների համաձայն՝ Կառլովն այժմ տեղում բուժվում է և չի տեղափոխվել տեղի հիվանդանոց, ինչպես ավելի վաղ հաղորդվել էր։
Դեսպան Անդրեյ Կառլովը վիրավորվել է այն բանից հետո, երբ պատրաստվում էր ելույթ ունենալ «Ռուսաստանը թուրքերի աչքերով» ցուցահանդեսի բացման կապակցությամբ։
Սոցցանցերում այժմ ավելի ու ավելի են շրջանառվում լուսանկարները, որոնցում պատկերված է, որ հանցագործը հրազեն է կրում: Օգտատերերը նաև հրապարակում են նկարներ, որոնցում պատկերված է, թե ինչպես է ՌԴ դեսպանը գնդակահարվել գետնին պառկած:
Հարձակման ժամանակ հանցագործը, ով հագել է կոստյում և փողկապ, բղավել է «Ալլահ աքբար» (արաբերեն՝ «Աստված մեծ է», հայտնում է AP-ն՝ հղում անելով սեփական լուսանկարչին։
Հարձակվողը նաև ռուսերեն մի քանի բառ է ասել, ըստ լրատվական գործակալության, վնասել է ցուցահանդեսի լուսանկարներից մի քանիսը։
Թուրքական NTV հեռուստաընկերությունը հայտնում է, որ դեսպանի վրա հարձակման հետևանքով տուժել է ևս երեք մարդ։
Հարձակվողը սպանվել է թուրքական հատուկ ջոկատայինների կողմից, հայտնում է թուրքական «Անադոլու» գործակալությունը։ Ռուսական Интерфакс-ը, հղում անելով թուրքական զինուժի աղբյուրին, նույնպես հաստատում է, որ զինյալը վնասազերծվել է։
Hurriyet թերթը, հղում անելով սեփական թղթակցին, նշում է, որ հանցագործը նախազգուշական կրակոցներ է արձակել օդում՝ նախքան Կառլովին թիրախ դարձնելը։
Թերթի տվյալներով՝ հատուկ ջոկատայինները շրջափակել են շենքը, որտեղ տեղի է ունեցել հարձակումը, և որոնում են զինված անձին։
Ականատեսները ասում են, որ ոստիկանները փոխհրաձգության մեջ են հարձակվողի հետ: